روضت جزل القاف من دون خبره =ولابي وراهن بين الاشهاد طـاري.
فطـرة عنـا ماهـي بتـوريـث فـطـره. = شاعر كتب واليا كتب مايجاري.
حر كفخ بحدودها دار وكــره. =متسامـح مــع طـايـرات القـمـاري.
مدري ورا صـوت مـع الليـل غـره. = والا بـنـات الفـكـر مـثـل الحـبـاري.
وجــد ي على اللي مالـقـى يــوم صـبــره. ..=.بالـه طويـل وطـال وجــد العـبـاري
لاذلــــة ٍ دون الــوريـــد ومــمـــره. =ولامـلــة دون الـكـرامــه تــبــاري.
حـول ٍ يحـول وليلتـه حــول دهــره. =واحـوال خلـه ماتشـوف النـهـاري.
العار عند القوم من طاح قدره . =..والثار عند القوم رد اعتباري
ضاري على صيد العنا دون عبـره. .= شرارها يقدح على غير ناري
درب تشـعـب مــع توالـيـه عـشـره. .=..ولامنهن اللي جاب علم الجواري
اخـر عـلاج الكـي والقـلـب جـمـره. =لوعالجه دكتور والا استشاري
العين تبصر لكن الحال عسره =والزين مبحر سابعات البحاري
لاصار عنك اللوم مجبور تكره.=وتاطى على قلب سموح يداري .
اوقات ودك ماتعاتب وتشره . =وتتعب هجوس بين الاوهام ساري
وختام قافي دام مافيه خبره .=مابين قول وبين عشرة كباري]
من دون خبره
العرض العادي
